სენატის საგარეო კომიტეტის წამყვანი რესპუბლიკელი წევრი საქართველოს მთავრობის ნაბიჯს, უარი თქვას ევროკავშირის ფინანსურ დახმარებაზე, ეხმაურება და ამბობს, რომ ეს კითხვებს აჩენს. ინტერვიუ "ამერიკის ხმამ" გაავრცელა.
"მთავრობის გადაწყვეტილება, უარი თქვას ევროკავშირის დახმარებასა და ევროკავშირის მიერ დადგენილ პირობებზე, აჩენს კითხვებს საქართველოს მომავალსა და კანონის უზენაესობაზე, რაც აუცილებელია თითოეული მოქალაქის დასაცავად", - განაცხადა ჯიმ რიშმა.
სენატორი ერთიანი ნაციონალური მოძრაობის გადაწყვეტილებასაც ეხმიანება. რიშის თქმით, შეთანხმებაზე ხელის მოეწერა დაგვიანებულია.
"კარგია, რომ ერთიანმა ნაციონალურმა მოძრაობამ საბოლოოდ დაინახა 19 აპრილის შეთანხმების სარგებელი, მაგრამ ეს ჟესტი ძალიან მცირე და დაგვიანებულია. თვეების განმავლობაში, ხელმოწერაზე უარის თქმით, ნაციონალურმა მოძრაობამ შეარყია შეთანხმება, რამაც ხელი შეუწყო მმართველი პარტიის, ქართული ოცნების გადაწყვეტილებას, დაეტოვებინა შეთანხმება", - ამბობს ის.
მმართველი გუნდი ევროკავშირის დახმარებაზე უარს ამბობს, ევროკავშირი კი აცხადებს, რომ საქართველომ ვერ შეძლო, მიკროფინანსური დახმარების პირობა სრულად შეესრულებინა.
5
s
s
s