03, სექტემბერი 2021 11:05:00
ბიძინა ივანიშვილმა გვაჩვენა წარმოუდგენელი თავდადება, ვაჟკაცობა და თავგანწირვა, ასეთ ადამიანს ყოველ დღე მადლობა ეკუთვნის - მავნებელი ოპოზიციონერები და ოპონენტები ცდილობენ ჩვენს დაკომპლექსებას, თურმე, არ შეიძლება მადლობის გადახდა ასეთი ადამიანისთვის“,- ამის შესახებ პრემიერ-მინისტრმა განაცხადა.
როგორც ირაკლი ღარიბაშვილმა თქვა, ივანიშვილმა თავისი ქვეყნის სიყვარული პოლიტიკაში მოსვლამდე დაამტკიცა.
რომელ ქვეყანაში იცნობთ, დამისახელეთ ნებისმიერი ქვეყანა და ადამიანი, რომელიც თავისი ქონების დიდ ნაწილს საკუთარი სურვილით და ასეთი ენთუზიაზმით ასეთი ემოციით მიუძღვნის საკუთარ მშობლიურ ქვეყანას. 3 მლრდ დოლარი დახარჯული აქვს ადამიანს, კაცს, საკუთარი ქვეყნის და საკუთარი ხალხის კეთილდღეობაში. ასეთ ადამიანს მადლობა კი არ ეკუთვნის, ასეთ ადამიანს ყოველდღე მადლობა ეკუთვნის. ეს მავნებელი ოპოზიციონერები და ოპონენტები ცდილობენ ჩვენს დაკომპლექსებას, რომ როგორ შეიძლება, თურმე, არ შეიძლება მადლობის გადახდა ასეთი ადამიანისთვის. დიახაც, მადლობა ბიძინა ივანიშვილს ყველაფრისთვის, რაც მან გააკეთა ჩვენი ქვეყნის და ხალხისთვის, - თქვა პრემიერმა.