06, სექტემბერი 2021 12:58:00
თვითმართველობის არჩევნებამდე ზუსტად 28 დღე დარჩა. ამ პერიოდში კი, აჭარის მუნიციპალიტეტებში წარმოდგენილი მერობის კანდიდატების საარჩევნო ხედვებსა და გეგმებს გაგაცნობთ. სტუდია მერობის იმ კანდიდატებს დაეთმობა, რომელთა პარტიებიც კვლევითი ორგანიზაციების გამოკითხვის შედეგად ხუთეულში შედიან. წარმომადგენლებს გადაცემის ფორმატისა და ეთერში მონაწილეობის შესახებ ინფორმაცია TV25-მა უკვე მიაწოდა. ჩვენი მიზანი ამომრჩეველთა ინფორმირებულობაა, რათა მოქალაქეებმა კენჭისყრის დღემდე ამა თუ იმ საკითხის შესახებ კანდიდატების პოლიტიკა უკეთ გაიგონ. მერობის კანდიდატების ღია ეთერი პირველად სამშაბათს, 10 ნახევარზეა დაგეგმილი. მანამდე კი მესამე სექტორთან ერთად წინასაარჩევნო ფონს შევაფასებთ. სამსახურიდან, სავარაუდოდ, პოლიტიკური ნიშნით გათავისუფლების 15 ფაქტი; ამავე ნიშნით ზეწოლის, მუქარისა და ხელის შეშლის 11 ფაქტი; 13 შემთხვევაში ადმინისტრაციული რესურსის სავარაუდო გამოყენება, ხოლო 6 შემთხვევაში სოციალური ქსელით აგიტაცია - „სამართლიანი არჩევნების“ შუალედური ანგარიშის მიხედვით, მთელი ქვეყნის მასშტაბით, 40-ზე მეტი სხვადასხვა სახის დარღვევა გამოვლინდა.