07, სექტემბერი 2021 16:36:00
"დელტა" შტამის დომინირების ფონზე, თურქეთში, კორონავირუსის ახალი სახეობა გამოჩნდა. ქვეყანაში, კოვიდის "მიუ" ვარიანტს 2 შემთხვევა დადასტურდა.
ამის შესახებ ჯანდაცვის მინისტრმა განაცხადა. ფაჰრეტინ კოჩას თქმით, პანდემიამ, თურქეთში, 2020 წლის მარტის შემდეგ 52 ათასზე მეტი ადამიანის სიცოცხლე იმსხვერპლა.
ცნობისთვის, "მიუ" ვარიანტი გასულ თვეში ჯანდაცვის მსოფლიო ორგანიზაციამ მიიჩნია, როგორც "ინტერესის ვარიანტი". იგი პირველად, კოლუმბიაში აღმოაჩინეს ჯერ კიდევ 2021 წლის იანვარში, შემდეგ კი ეკვადორში გავრცელდა.
ჯანმომ შეშფოთება გამოხატა იმასთან დაკავშირებით, რომ შესაძლოა ვაქცინა ამ შტამთან არ მუშაობდეს.