22, სექტემბერი 2021 11:24:00
უკვე მეორე დღეა, ბათუმში, გადაუღებლად წვიმს. რეაბილიტაციის მიუხედავად, უხვი ნალექის გამო, თითქმის ყველა ქუჩაზე გადაადგილება ჭირს.
წყალმა საცხოვრებელ სახლებშიც შეაღწია და პირველი სართულები დატბორა.
მოქალაქეები ფიქრობენ, რომ სანიაღვრე არხებმა უხვი ნალექი ვერ გაატარა. ძლიერმა წვიმამ ავტომობილებიც დააზიანა.
კომპანია „ბათუმის წყლის“ ინფორმაციით, ამ დროისთვის ყველაზე მეტად დატბორილია ბაგრატიონის კვეთა, თავდადებულის და გიორგი ბრწყინვალეს ქუჩები. ცხელ ხაზზე 40-მდე ზარი შევიდა.