22, სექტემბერი 2021 11:46:00
უკვე მეორე დღეა, ბათუმში, გადაუღებლად წვიმს. დატბორილია ქუჩები და საცხოვრებელი სახლები.
აჭარის რეგიონული ჰიდრომეტეოროლოგიური ობსერვატორიის ინფორმაციით, უამინდობა, ბათუმში, დღესაც შენარჩუნდება.
წვიმა და ღრუბლიანი ამინდი იქნება დღის განმავლობაში, ღამით კი შესაძლოა ნალექი კიდევ უფრო გაძლიერდეს. მოსალოდნელია ჭექა-ქუხილიც.
სინოპტიკოსების ცნობითვე, ძლიერად იწვიმებს ხვალაც. უამინდობა კი კვირის ბოლომდე გაგრძელდება. მოსალოდნელია 4-ბალიანი ღელვა სანაპირო ზოლში.