28, სექტემბერი 2021 14:58:00
ბათუმი, ნატოს მუდმივმოქმედ მეორე ნაღმსაწინააღმდეგო შენაერთს მასპინძლობს. მის შემადგენლობაშია: ესპანეთის , იტალიის, ბულგარეთის, რუმინეთისა და თურქეთის სამხედრო-საზღვაო ძალების ხომალდები. ვიზიტის ფარგლებში, საქართველოს სანაპირო დაცვის დეპარტამენტისა და ნატოს საზღვაო შენაერთის ხომალდების მონაწილეობით, შავ ზღვაში ერთობლივი წვრთნები გაიმართება. ნატოს საზღვაო შენაერთის სტუმრობა საქართველოს პორტებში რეგულარულ ხასიათს ატარებს და უსაფრთხოების განმტკიცების კუთხით, ნატო-საქართველოს თანამშრომლობის ერთ-ერთი შედეგია.