"ბოლო ერთ კვირაში მკაფიოდ გამოხატული მატების ტენდენცია შეინიშნება", - ამის შესახებ ინფექციური საავადმყოფოს გენერალურმა დირექტორმა განაცხადა.
თენგიზ ცერცვაძის განმარტებით, ეს შესაძლოა მეხუთე ტალღის დასაწყისი იყოს.
"კლების ტენდენციის შემდეგ, რომელიც გრძელდებოდა დაახლოებით თვე-ნახევარი, ბოლო ერთი კვირაა გამოიკვეთა მკაფიოდ გამოხატული მატების ტენდენცია. ჯერჯერობით, ეს მატება არ არის ისეთი დრამატული, როგორიც იყო მეოთხე ტალღის დროს, მაგრამ მაინც საკმარისია. 2 000 მეტი შემთხვევაა, რომელიც დაფიქსირდა გუშინ, ეს მაინც საკმაოდ ბევრია... შესაძლებელია ეს იყოს მეხუთე ტალღის დასაწყისი, შესაძლებელია იყოს დროებითი მოვლენა და შემდეგი პროგრესირება არ მოხდეს", - თქვა ცერცვაძემ.
შეგახსენებთ, დღეს, საქართველოში, კორონავირუსით 23 ადამიანი გარდაიცვალა, ხოლო დაინფიცირდა 1 530 პირი.
ვირუსის გამო, აჭარაში, 1 სკოლა დაიხურა - 28 კლასი დისტანციურ სწავლებაზე გადავიდა.
1
s
s
s