18, ოქტომბერი 2021 10:33:00
"მოქალაქეებს გრიპისა და კორონავირუსის საწინააღმდეგო ვაქცინის ერთ დღეს გაკეთება შეუძლიათ" - ამის შესახებ დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელმა განაცხადა.
ხათუნა ზახაშვილის განმარტებით, თუ მოქალაქეები ორივე ვაქცინას ერთ დღეს არ გაიკეთებენ, მათ აცრებს შორის 14-დღიანი ინტერვალი უნდა დაიცვან.
„შეიძლება ერთ დღეს გრიპის და კორონავირუსის საწინააღმდეგო ვაქცინის გაკეთება, ერთი ინექცია კეთდება ერთ ხელზე, მეორე კი მეორე ხელზე. ეს დაშვებულია ჯანმრთელობის მსოფლიო ორგანიზაციის მიერ, იგივე რეკომენდაციას იძლევა ამერიკის შეერთებული შტატების დაავადებათა კონტროლის ცენტრიც. ახლა, როდესაც ზამთრის სეზონი ახლოვდება და გრიპის სეზონი იწყება, რა თქმა უნდა, ორივე ვაქცინის ერთდროულად გაკეთებაა რეკომენდირებული, განსაკუთრებით რისკის ჯგუფებისთვის და იმ კატეგორიის ადამიანებისთვის, რომელსაც ორივე დაავადების რთულად მიმდინარეობის რისკი აქვს“, - თქვა ხათუნა ზახაშვილმა.
ცნობისთვის, ქვეყანაში გრიპის ვაქცინის 43 000 დოზაა შემოსული.