20, ოქტომბერი 2021 12:21:00
Facebook-ი უახლოეს მომავალში სახელწოდების შეცვლას გეგმავს, - ამის შესახებ გამოცემა Verge-ი წერს.
გავრცელებული ინფორმაციით, კომპანიის აღმასრულებელი დირექტორი, მარკ ცუკერბერგი კომპანიის რებრენდინგის შესახებ საუბარს 28 ოქტომბერს დაგეგმილ ყოველწლიურ კონფერენციაზე გეგმავს, თუმცა სახელწოდების შესახებ, შესაძლოა, მანამდეც გახდეს ცნობილი.
საკითხთან დაკავშირებით ოფიციალური კომენტარი ჯერ არ გაკეთებულა.
შეგახსენებთ, რამდენიმე დღის წინ Facebook-მა განაცხადა, რომ ევროკავშირში 10 000 ადამიანის დასაქმებას აპირებს. ახალი თანამშრომლები ახალ პროექტზე, „მეტავერსზე“ იმუშავებენ, რომელსაც განმარტავენ, როგორც ონლაინ სამყაროს, სადაც ადამიანებს ვირტუალურ გარემოში შეუძლიათ თამაში, მუშაობა და კომუნიკაცია.