25, ოქტომბერი 2021 11:06:00
თურქული ლირა დოლართან მიმართებაში 1,6%-ით გაუფასურდა. კურსი რეკორდულად დაბალ დონემდე დაეცა.
Reuters-ის შეფასებით, აზიის ვაჭრობის დასაწყისში ისტორიულ მინიმუმამდე ლირას გაუფასურება მას შემდეგ მოხდა, რაც პრეზიდენტმა, რეჯეფ თაიფ ერდოღანმა გასცა ბრძანება ქვეყნიდან აშშ-ს და დასავლეთის 9 ქვეყნის ელჩების გაძევების შესახებ.
კვირას, გრინვიჩის დროით, 18:40 სთ-ზე ლირამ დოლართან მიმართებაში ყველა დროის ყველაზე დაბალ - 9,75-იან მაჩვენებელს მიაღწია და პარასკევს დახურული ვაჭრობის მაჩვენებელთან, 9,5950 ლირასთან შედარებით კიდევ უფრო გაუფასურდა.
მიმდინარე წელს თურქული ლირა 24%-ით დაეცა.