26, ოქტომბერი 2021 10:52:00
საქართველოს ჯანდაცვის მინისტრი სავალდებულო ვაქცინაციას არ ეთანხმება. ეკატერინე ტიკარაძის განმარტებით, სავალდებულო აცრებს "ნეგატიური პროცესები მოჰყვება და პირიქით, ხელს შეუშლის ვაქცინაციის პროცესს".
"მე დარწმუნებული ვარ, რომ სავალდებულო ვაქცინაციას მოჰყვება ბევრად უფრო ნეგატიური პროცესები, რაც პირიქით, ხელს შეუშლის ვაქცინაციის პროცესს. აქედან გამომდინარე, არ ვეთანხმები და ვთვლი, რომ მნიშვნელოვანია მეტი კომუნიკაცია მოსახლეობასთან და არა იძულებითი წესის გამოყენება. ისევ და ისევ ვაქცინაციის პროცესის სასარგებლოდ", - თქვა ტიკარაძემ.
შეგახსენებთ, საქართველოში ვაქცინაცია პანდემიიდან 1 წლის შემდეგ, 2021 წლის 15 მარტიდან "ასტრაზენეკათი" დაიწყო.