მაშინ როდესაც საქართველოში კოვიდ-19-ის პირველი შემთხვევა დაფიქსირდა, ანუ 2020 წლის თებერვლამდე, საარსებო შემწეობის მიმღებ პირთა რაოდენობა ჯამში 432 ათას 218 იყო, პანდემიის დაწყების შემდეგ კი თითქმის 45 %-ით გაიზარდა და 2021 წლის აგვისტოს მდგომარეობით 622ათას 923 შეადგინა. ბენეფიციართა რიცხვი გაიზარდა როგორც 2020 წლის საპარლამენტო, ისე მიმდინარე წლის ოქტომბრის თვითმმართველობის არჩევნების წინ. მხოლოდ მიმდინარე წლის ივნისში, სოციალური დახმარების მიმღები პირების რაოდენობამ ქვეყანაში 70 ათასით მოიმატა. როგორ იზრდებოდა სოციალურად დაუცველთა სტატისტიკა 2019-2021 წლების არჩევნების კვალდაკვალ, მდგომარეობა „ინფორმაციის თავისუფლების განვითარების ინსტიტუტმა“ შეისწავლა. თამარ კიკნაძე გიამბობთ.
აღმოჩნდა, რომ აჭარა ის რეგიონია, სადაც, კოვიდ-19 პანდემიის დაწყების შემდეგ, სოციალურად დაუცველთა რიცხვი, ყველაზე მეტად - 59%-ით გაიზარდა. დღეისათვის, რეგიონში სახელმწიფო დახმარებით, საერთო მოსახლეობის 20,3% ცხოვრობს. 2019 წლიდან მიმდინარე წლის აგვისტოში, მხოლოდ აჭარაში, სოციალურ შემწეობაზე 79 ლარზე მეტი დაიხარჯა.
„ინფორმაციის თავისუფლების განვითარების ინსტიტუტმა“, ანალიზი საქსტატის მონაცემების მიხედვით გააკეთა. კვლევის ავტორი აღნიშნავს, რომ სოციალურ დახმარებებზე გაზრდილი ხარჯებით, ხელისუფლებამ ამომრჩეველზე ზეგავლენის მოხდენის შესაძლებლობა გამოიყენა. ბოლო ორ, საპარლამენტო და თვითმმართველობის არჩევნებზე კი ეს პანდემიის შედეგად გამწვავებული კრიზისის ფონზე მოსახლეობის მხარდაჭრით გაამართლა. სად ჩანს, რომ ხელისუფლება სარეიტონგო ქულების მინიჭების პოლიტიკას მაინცადამაინც წინასაარჩევნოდ არბილებს, ავტორი შემდეგზე მიუთითებს.
ხელისუფლების პოლიტიკას პოლიტიკური ოპონენტებიც აფასებენ. ამბობენ, რომ წინასარჩევნოდ იმ ადამიანებს ანიჭებენ დაბალ ქულებს, რომლებსაც სხვა დროს შრომისუნარიანობის მიზეზით მაღალ შეფასებას აძლევენ, შემდეგი გეგმიური გადამოწმებისას კი უბათილებენ. სწორედ ეს არის ფორმულა, რომელსაც იყენებენ. ოპოზიციაში ამბობენ, რომ ხელისუფლება ცდილობს, მეტი ადამიანი იყოს მასზე დამოკიდებული და ასე შეძლოს ძალაუფლების გახანგრძლივება.
მმართველ გუნდში ტრადიციული პასუხი აქვთ. ყველა ტყუის ოცნების გარდა. ხელისუფლების წარმომადგენლების თქმით, ის, რომ მეტი შეღავათი, მეტი ბენეფიტისთვის, მხოლოდ საარჩევნოდ სჭირდებთ, ისეთივე მანიპულაციური ტყულია, როგორც ლარის გაუფასურების პროცესში მთავრობის ბრალეულობა.
ბენეფიციართა მატებასთან ერთად, ხელისუფლება შემწეობის თანხებსაც ზრდის. ეს პოლიტიკა, 2021 წლის თვიმმართველობის არჩევნების მეორე ტურის წინაც თვასაჩინოა. მაგალითად, მხოლოდ, ახლა გაახსენდა ხელისუფლებას, რომ ომის ვეტერანებს დამსახურებისთვის, აქამდე თვეში მხოლოდ 22 ლარს უხდიდა და ახლა მისი გაზრდის პირობას აძლევს.