29, ოქტომბერი 2021 15:03:00
დაავადებათა კონტროლის ეროვნული ცენტრის ხელმძღვანელი კრიტიკულ ეპიდვითარებაზე საუბრობს. ამირან გამყრელიძე გაცილებით საგანგაშო პროცესებს პროგნოზირებს.
"ჩვენი სლოგანია - ვიცრებით საქართველოს სამსახურში! რადგან აღარ გვინდა, რომ ქვეყანაში 40 ადამიანი ყოველდღიურად კოვიდით იღუპებოდეს. ვაქცინაცია ნიშნავს იმას, რომ ჩვენ ვართ სამოქალაქო სამსახურში. ყველა ჩვენგანის ვალია არჩევნებზე წასვლა და ხმის მიცემა, ასეთივე სამოქალაქო ვალია რომ არჩევნების შემდეგ წავიდეთ და ავიცრათ, ვინც აცრილი ბრძანდება, იმას მადლობას ვეტყვი,"- თქვა ამირან გამყრელიძემ.