30, ოქტომბერი 2021 12:13:00
საქართველოს პრეზიდენტმა საკუთარი პოლიტიკური არჩევანი გააკეთა. მან ხმა 67-ე საჯარო სკოლაში განთავსებულ საარჩევნო უბანზე მისცა.
სალომე ზურაბიშვილი ჟურნალისტებთან მოკლე კომენტარით შემოიფარგლა და განაცხადა, პოლარიზაცია უნდა დასრულდეს.
„მე მგონი, საჭიროა, თქვენც და ჩვენც, ყველამ ერთად ვისწავლოთ ერთიანობა, სიწყნარე, სიმშვიდე და ამას მივეცი ხმა. ძალიან დიდი იმედი მაქვს, რომ ეს პოლარიზაცია, რაც ჩვენ ვნახეთ წინასაარჩევნო პერიოდში, დასრულდება, თუ არა, ხეირობს მხოლოდ ერთი - ჩვენი მეზობელი“, - განაცხადა ქვეყნის მთავარსარდალმა.