11, ნოემბერი 2021 14:14:00
„ამბასადორი ბათუმი“ სასამართლომ სანებართვო პირობების დარღვევის გამო 10 000 ლარით დააჯარიმა. კომპანია ბათუმის ბულვარში, კულტურული მემკვიდრეობის ძეგლის ტერიტორიაზე, სასტუმრო კომპლექსს აშენებს. სასამართლოს აჭარის კულტურული მემკვიდრეობის სააგენტომ მიმართა. მიმდინარე მშენებლობის საპროექტო დოკუმენტაციასთან შეუსაბამობა სააგენტოს კომისიამ გამოავლინა. დასკვნის მიხედვით, არსებული მდგომარეობით შენობის დასხმის უმაღლესი ვერტიკალური ნიშნული პროექტთან შეუსაბამოა. ეს პირველი შემთხვევა არაა, როცა „ამბასადორ ბათუმმა“ პროექტის პირობებს გადაუხვია.