12, ნოემბერი 2021 13:54:00
ბათუმის მუნიციპალური ინსპექცია საზოგადოებრივ ტრანსპორტში მონიტორინგს ყოველდღიურად ახორციელებს. მიზანი კორონავირუსის გავრცელების პრევენციის მიზნით დაწესებული რეგულაციების აღსრულებაა. ავტობუსებისა და სამარშუტო ტაქსების კონტროლი ქალაქის მასშტაბით, ერთდროულად 10 ლოკაციაზე მიმდინარეობს. მონიტორინგის პარალელურად ინსპექციის თანამშრომლები მოქალაქეებს პირბადეებს გადასცემენ და რეგულაციების დაცვისკენ მოუწოდებენ.