20, ნოემბერი 2021 13:17:00
"რესტორატორთა ასოციაციის" თავმჯდომარე, შოთა ბურჯანაძე, სახელმწიფოს მიერ შემოღებულ ახალ, რეგულაციაზე აკეთებს კომენტარს , სადაც ამბობს, რომ ე.წ "მწვანე ბარათების" ვალდებულებას რესტორნები და სხვა ბიზნეს სექტორების წარმომადგენლები არ შეასრულებენ.
მისივე თქმით, სხვადასხვა ბიზნეს სექტორის წარმომადგენლებისთვის რეგულაციის დარღვევის შემთხვევაში სახელმწიფო პირველ ეტაპზე ჯარიმების დაწესებას ვერ გაბედავს და მათ გარკვეულ დროს მისცემს.
"დარწმუნებით გეუბნებით 1-ლი დეკემბრიდან, რესტორნები და სხვადასხვა ბიზნეს სექტორი არ შეასრულებს იმ ვალდებულებებს, რაც მათ "მწვანე პასპორტების" მექანიზმით ექნებათ გაწერილი, რადგან ეს მათ სარგებელს არ მოუტანს. მე დარწმუნებული ვარ, რომ 1-ლი დეკემბრიდან ჯარიმები არ და ვერ იქნება, რადგან სახელმწიფო დაახლოებით ერთი თვის განმავლობაში მოამზადებს სექტორს "მწვანე კოვიდ პასპორტებთან" მიმართებაში. ჯარიმა რომც დაწეროს, საზოგადოება ამისთვის მზად არ არის,"- ამბობს შოთა ბურჯანაძე.