აჭარის მთავრობის თავჯდომარის მტკიცებით, ქობულეთში ქარსაცავი ზოლის გაჩეხვის ფაქტი ოლიგარქის ინტერესებს არ უკავშირდება. ზურაბ პატარაძე ირწმუნება, რომ ნაძვებზე ტოტებს უსაფრთხოების მიზით აჭრიან, პროცესი კი გზის მოწესრიგების ფარგლებში მიმდინარეობს. განმარტავს, რომ თემით მხოლოდ ოპოზიცია სპეკულირებს, რაც მისი აზრით არასწორია. სოფელ მუხაესტატეში ათეულობით ნაძვის გადაბელვა მერამდენე დღეა, რაც მიმდინარეობს. სამუშაოებს ერთ-ერთი კერძო კომპანია ახორციელებს, რომელმაც ნებართვა საქართველოს საავტომობილო გზების დეპარტამენტისგან მიიღო, სადაც საკითხზე კომენტარი არ კეთდება. ფაქტს ადგილობრივები ბიძინა ივანიშვილის სურვილებს უკავშირებენ. გუშინ "მაცნეს" მიერ მომზადებულ რეპორტაჟში მუხაესტატეში მცოხვრებლებმა განაცხადეს, რომ გიგანტური ხეების ტრანსპორტირებას ხელს ქარსაცავი ზოლი უშლის.
2
s
s
s