25, ივლისი 2018 20:05:00
ბათუმის დელფინარიუმის ფეხფარფლიანთა განყოფილებაში, სამხრეთ ამერიკული ზღვის ლომების ოჯახში, პედროსა და მარის შვილი შეეძინათ. მამა პედრო 13 წლისაა, დედა კი 12 წლის - ამის შესახებ ინფორმაციას დელფინარიუმის პრესცენტრი ავრცელებს. გავრცელებულ განცხადებაში ასევე, ნათქვამია, რომ ახალშობილი სრულიად ჯანმრთელია. დაიბადა მუქი ყავისფერი ბეწვით. წონა 5-7 კგ-ა. პატარა და დედა თავს შესანიშნავად გრძნობენ. ჩვილი სელაპი დედის რძით დაბადებიდან 6-8 თვის განმავლობაში იკვებება. ცნობისთვის, ბოლო 8 წლის მანძლზე ბათუმის დელფინარიუმში უკვე 7 ზღვის ლომი დაიბადა.