ბათუმში, ერთ-ერთი სკოლის მოსწავლეს 30 წლამდე კაცი აედევნა. შემთხვევა გასულ კვირას მოხდა. ჩვენი ინფორმაციით, გოგონას საცხოვრებელი სახლის მიმდებარე ტერიტორიიდან კაცი აედევნა, რომლიც მოგვიანებით სკოლასთანაც შენიშნა.
„გოგონა საკლასო ოთახში, რომელიც ქუჩას გადაჰყურებს, მოწყენილი და შეშფოთებული იჯდა, როცა მიზეზით დავინტერესდით, გვითხრა, რომ მას ვიღაც კაცი აედევნა. დავურეკეთ ბავშვის მშობელს და სკოლაში დავიბარეთ“ - ამბობს სკოლის დირექტორი. მისივე ცნობით, დედამ ფაქტის შესახებ პოლიციაში განაცხადა და საქმეზე არასრულწლოვანი და მისი მშობელი უკვე გამოიკითხა.
შინაგან საქმეთა სამინისტროში განმარტეს, რომ არასრულწლოვანთან შესაძლო გარყვნილი ქმედების ფაქტი ამ ეტაპზე არ არის დადასტურებული. საქმეზე გამოძიება სისხლის სამართლის კოდექსის 151-ე მუხლით დაიწყო, რაც ადევნება მუქარას გულისხმობს.
60
s
s
s