05, დეკემბერი 2018 14:11:00
უბედური შემთხვევა ხელვაჩაურის მუნიციპალიტეტში. ორი თვის ბავშვი გარდაიცვალა. ფაქტი 3 დეკემბერს მოხდა. ჩვენი ინფორმაციით, ახალშობილი გოგო საბავშვო ეტლიდან გადმოვარდნის შედეგად გარდაიცვალა. როგორც „TV 25“-ს იაშვილის სახელობის ბათუმის დედათა და ბავშვთა ჰოსპიტალში განუცხადეს, ჩვილი დაწესებულებაში უმძიმეს მდგომარეობაში მიიყვანეს, მას თავის არეში სისხლჩაქცევები აღენიშნებოდა და მედიკოსებმა მისი გადარჩენა ვერ შეძლეს. მომხდარზე შინაგან საქმეთა სამინისტროში განმარტეს, რომ ძალადობის ნიშნები არ იკვეთება. ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.