14, დეკემბერი 2018 14:04:00
ზამთრის ტურისტულის სეზონის გახსნას სამთო-სათხილამურო კურორტი „გოდერძი“ ახალი ვიდეორგოლით შეხვდება. საიმიჯო კლიპი კურორტის პოპულარიზაციის მიზნით აჭარის ტურიზმის დეპარტამენტმა მოამზადა. „როცა მთები გიხმობენ წადი, წადი იმ მხარეში, სადაც წელიწადის ნახევარი თოვლიანია“ - ამ სიტყვებით იწყება ვიდეოკლიპი, რომელშიც სრულადაა წარმოჩენილი კურორტის ბუნებრივი სილამაზე თავისი ავთენტური გარემოთი და ტურისტული პოტენციალით. ვიდეორგოლი სოციალურ ქსელსა და საერთაშორისო მედიაპლატფორმებზე უკვე ჩაეშვა. კურორტზე ზამთრის ტურისტულის სეზონის გახსნა 22 დეკემბერს იგეგმება.