17, დეკემბერი 2018 17:30:00
ახალი ბულვარის მიმდებარე ტერიტორიაზე ავტოსაგზაო შემთხვევა მსხვერპლით დასრულდა. დაღუპული მოტოციკლის მძღოლია. თვითმხილველთა ინფორმაციით, მოტოციკლი ავტომანქანას დაეჯახა. სასწრაფო სამედიცინო დახმარების ექიმებს იგი გარდაცვლილი დახვდათ. შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევა გულისხმობს, რამაც ადამიანის სიცოცხლის მოსპობა გამოიწვია.