27, დეკემბერი 2018 12:36:00
ხელვაჩაურის მუნიციპალიტეტის საბავშვო ბაღებში დასაქმებულები, მეცამმეტე ხელფასს ვერ აიღებენ. ამბობენ, რომ ყოველთვიური ანაზღაურება დაბალი აქვთ, წინასაახალწლოდ კი, დანამატის აღების იმედი ჰქონდათ. მერიასა და ბაღების გაერთიანებას წერილობით მიმართეს, თუმცა მათი თქმით, პასუხი, ამ დრომდე არ მიუღიათ.
ბაღების გაერთიანებაში ამბობენ, რომ მეცამმეტე ხლეფასის გასაცემად, ბიუჯეტში თანხა არ არის. გაერთიანების ხელმძღვანელის ნატო შერვაშიძის თქმით, დანამატისთვის განკუთვნილი თანხა, ყოველთვიურ ანაზღაურებაზე გადანაწილდა.
,,მაისში ბიუჯეტში განხორციელდა ცვლილება, რომლის მიხედვითაც, ეს თანხა და სხვა დანაზოგი, სახელფასო ფონდისკენ იქნა მიმართული. დასაქმებულები კი, ივნისიდან უკვე გაზრდილ ხელფასს იღებენ,“ - აცხადებენ გაერთიანებაში.
როგორც ირკვევა, ხელვაჩაურის მუნიციპალიტეტის საბავშვო ბაღებში დასაქმებულებისთვის, მეცამმეტე ხელფასი, არც მომდევნო წლის ბიუჯეტშია გათვალისწინებული.