28, დეკემბერი 2018 14:04:00
საახალწლოდ ბათუმში იტალიელი მომღერალი ინგრიდი ჩამოვა. კონცერტი ბათუმის ბულვარში 29 დეკემბერს 20:00 საათზე დაიწყება. მომღერალი მსენელის წინაშე მუსიკალური ალბომიდან ცნობილ ჰიტებს შეასრულებს. გარდა ამისა, 29-30 დეკემბერს, ბულვარის ცენტრალურ ნაწილში საახალწლო ბაზრობა მოეწყობა, რომელიც ორი დღის განმავლობაში დისნეის ზღაპრული სამყაროს გაცოცხლების ადგილად გადაიქცევა. საახალწლო ილუმინაციებითა და დეკორაციებით გაფორმებულ ტერიტორიაზე სახალწლო განწყობა დილიდან შეიქმნება. სპეციალურად გაფორმებული ჯადოსნური თაღის გავლით სტუმრები სასაჩუქრე ყუთებით, ფოტოსტენდებით და სხვა დეკორაციებით გაფორმებულ სივრცეში მოხვდებინ, სადაც ორი დღის განმავლობაში საშუალება ექნებათ, დააგემოვნონ მრავალფეროვანი სადღესასწაულო პროდუქცია.