21, თებერვალი 2019 20:03:00
მამუკა ხაზარაძის განცხადებები მთელი დღის განმავლობაში როგორც პოლიტიკოსების, , ასევე დარგის ექსპერტების განხილვის მთავარი თემა იყო.
მამუკა ხაზარაძის თიბისი ბანკიდან წასვლას ოპოზიცია, პირდაპირ ბიძინა ივანიშვილს უკავშირებს. მათი თქმით, სწორედ ივნიშვილმა დაუკვეთა სახელმწიფო ინსტიტუტებს ბიზნესმენის დევნა და ამ ნაბიჯით არა მხოლოდ თიბისი ბანკს არამედ ქვეყნის ეკონომიკურ კეთილდღეობას დაარტყა.
რა ზეწლის ქვეშ იმყოფება და რა სურს ივანიშვილს მამუკa ხაზარაძისგან: ბანკი თუ ანაკლიის პორტი: - ხელისუფლების ოპონენტები დa ექსპერტების ნაწილი დარწმუნებულია, რომ ივანიშვილს ანაკლიის პორტის მშნებლობის პროექტის ჯერ ხელში ჩაგდება, შემდეგ კი შეჩერება სურს, ანალიტიკოსები ამბობენ, რომ ხაზარაძეს არჩევანი არ დაუტოვეს, ვინაიდან მასზე სერიოზული მორალური და ფინანსური ზეწოლა განხორციელდა.
ისინი, ვისაც ასეთი ეჭვები აქვთ, ფიქრობენ იმასაც, რომ ბიძინა ივანიშვილს ჩაფიქრებული აქვს სქემა: ხაზარაძე და ჯაფარიძე როგორც ყველაზე მსხვილი აქციონერები გაარიდონ თიბისი ბანკს, სადაც მათ ივანიშვილის წარმომადგენელი ჩაანაცვლებს, - შემდეგ კი წილებიც დაათმობინონ.
მმართველ გუნდში კი ხაზარაძეზე ზეწოლას, ასევე მისი თიბისი ბანკიდან წასვლასა და ანაკლიის პორტის პროექტს შორის კავშირს გამორიცხავენ.
ეროვნული ბანკის მოთხოვნები შესრულებულია. პროკურატურა კი, ამ საქმეზე ამ ეტაპზე დუმს. სწორედ ფულის გათეთრების ბრალდებით დაწყებულ გამოძიებას უკავშირდებოდა ეროვნული ბანკის მიერ თიბისი ბანკიდან მისი დამფუძნებლების გარიდების მოთხოვნა. ცნობისთვის, პროკურატურის დასკვნით 2007-2008 წლებში ხაზარაძისა და ჯაფარიძის მონაწილეობით განხორციელებული ტრანზაქციები ფულის გათეთრების ნიშნებს შეიცავდა. მამუკა ხაზარძე კი აცხადებს, რომ ბრალდება აბსურდულია და ეს ტრანზაქციები თავის დროზე ეროვნულ ბანკსა და საერთაშორისო აუდიტორულ კომპანიასაც აქვს შემოწმებული, რომლებსაც რაიმე საეჭვო არ აღმოუჩენიათ.