12, მარტი 2019 17:02:00
საქართველოს ფინანსთა სამინისტროს საგამოძიებო სამსახურის უფროსი სამუშაო ვიზიტით იტალიაში იმყოფებოდა, სადაც ხელი მოაწერა საგამოძიებო სამსახურსა და იტალიის რესპუბლიკის ფინანსურ გვარდიას შორის ურთიერთგაგების მემორანდუმს, რომელიც ეკონომიკური და ფინანსური დანაშაულის წინააღმდეგ ბრძოლის სფეროში ორმხრივ თანამშრომლობას ითვალისწინებს. მემორანდუმის ფარგლებში კოლეგა უწყებებს შორის თანამშრომლობა კიდევ უფრო გაღრმავდება ყველა იმ მიმართულებით, რაც ხელს შეუწყობს საფინანსო-ეკონომიკურ სფეროში ჩადენილ დანაშაულთან ეფექტიან ბრძოლას, ასევე ორი ქვეყნის ფინანსური და ეკონომიკური ინტერესების დაცვას.