31, მაისი 2019 14:16:00
ბათუმის ყოფილ მერს გიორგი ერმაკოვს გამოძიება სისხლის სამართლის კოდექსის 182-ე მუხლით ედავება, რაც ბიუჯეტიდან თანხის მითვისება-გაფლანგვას და სამსახურებრივი უფლებამოსილების ბოროტად გამოყენებას გულისხმობს. მას ბრალი ოფიციალურად უკვე წარუდგინეს. გიორგი ერმაკოვის ადვოკატის განცხადებით, ბრალდებული დუმილის უფლებას იყენებს. დაკავებულ მაღალჩინოსანთა სასამართლო პროცესი სავარაუდოდ, დღეს გაიმართება.