01, ივნისი 2019 16:43:00
თანხის გაფლანგვისა და სამსახურეობრივი უფლებამოსილების ბოროტად გამოყენების ბრალდებით დაკავებული ბათუმელი შვიდი მაღალჩინოსნის სასამართლო სხდომის დაწყებისთანავე შესვენება გამოცხადდა. როგორც მოსამართლე ლევან გელოვამან განაცხადა, საქმეზე ბევრი შუამდგომლობა შესული და მისი განხილვას დროს სჭირდება. სხდომას შვიდივე ბრალდებული ესწრება. როგორც ბრალდებულების ადვოკატები აცხადებენ, დაკავებულები წარდგენილ ბრალს არ აღიარებენ.
ადვოკატების ინფორმაციით, ისინი დღევანდელ პროცესზე სასამართლოს აღკვეთი ღონისძიების გირაოს სანაცვლოდ შეფარდების შუამდგომლობას დააყენებენ. თავის მხრივ აჭარის ა.რ პროკურატურა ბრალდებულების მიმართ, სასამართლოს პატიმრობის გამოყენებით მიმართავენ. აჭარის პროკურატურა ბათუმის მერიის მოქმედი და ყოფილი მაღალჩინოსნების პატიმრობაში დატოვებას ითხოვს. როგორც პროკურორმა რამაზ შავაძემ ბათუმის საქალაქო სასამართლოში მიმდინარე სხდომაზე განაცხადა, არსებობს გარემოება რომ ბრალდებულებმა მტკიცებულებები გაანადგურონ და მიიმალონ.. პროკურორის რამაზ შავაძის თქმით, ბათუმის ყოფილ მერს გიორგი ერმაკოვს, აჭარის ფინანსთა და ეკონომიკოს მინისტრის მოადგილე არჩილ ვანაძესა და ბათუმის მერიის თანამშრომელ ეგარსლან ლომაძეს შესაძლოა ბრალის მოცულობა გაეზარდოს. როგორც ცნობილია აღნიშნულ პირებს გამოძიება ბიუჯეტიდან თანხის გაფლანგვა_მითვისებასა და სამსახურეობრივი უფლებამოსილების ბოროტად გამოყენებას ედავება. შეგახსენებთ, რომ ასევე დაკავებულია ბათუმის მერიის ოთხი თანამშრომელი, რომელებსაც ბრალი სამსახურეობრივი უფლებამოსილებია ბოროტად გამოყენეში ედებათ.