2019 წლის 1-ელ კვარტალში ბიზნეს სექტორში საშუალო თვიური ხელფასი 1 151.9 ლარს გაუტოლდა, რაც გასული წლის შესაბამისი პერიოდის მაჩვენებელს 45.5 ლარით აღემატება. ინფორმაციას სტატისტიკის ეროვნული სააგენტო ავრცელებს.
საწარმოთა ზომის მიხედვით საშუალო თვიური ხელფასი შემდეგნაირად ნაწილდება:
მსხვილი ბიზნესი – 1 205.6 ლარი,
საშუალო ბიზნესი – 1 291.2 ლარი,
მცირე ბიზნესი – 1 017 ლარი.
„საქსტატის“ ცნობით, მიმდინარე წლის 1-ელ კვარტალში ბიზნეს სექტორის ბრუნვის მოცულობა 2019 წლის I კვარტალში, გასული წლის შესაბამის პერიოდთან შედარებით 27.5 პროცენტით გაიზარდა.
ბიზნეს სექტორში დასაქმებულთა საშუალო რაოდენობა 663.8 ათასი ადამიანით განისაზღვრა, რაც გასული წლის შესაბამისი პერიოდის მაჩვენებელს 4.2 პროცენტით აღემატება. დაქირავებულთა მთლიანმა რაოდენობამ კი 619.4 ათასი შეადგინა.
3
s
s
s