შიდა ქართლში, საოკუპაციო ხაზის მიმდებარე სოფლებში დაზარალებული ფერმერების დასახმარებლად აშშ-ს მთავრობამ ერთი მილიონი დოლარი გამოყო. ფინანსურ დახმარებას საოკუპაციო ხაზის მიმდებარე სოფლებში ძლიერი სეტყვის შედეგად დაზარალებული შვიდი ათასამდე მოსახლე მიიღებს.პროექტის მიზანი, მათთვის საარსებო წყაროს უზრუნველსაყოფა და სოფლის მეურნეობის საქმიანობის განახლებაში ხელშეწყობაა."სეტყვით დაზარალებული მოსახლეობის მხარდაჭერა განხორციელდება არსებული პროექტის ფარგლებში, რომელსაც აშშ ახორციელებს. პროექტის "ზრდა საქართველოში" ფარგლებში, ჩვენი ჩართულობით, დამატებითი რესურსი გამოიყო ამ სოფლებში მცხოვრები მოსახლეობისთვის", — განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა. USAID/Zrda-ს, საქართველოს გარემოს დაცვისა და სოფლის მეურნეობის სამინისტროს და შიდა ქართლის რეგიონის სახელმწიფო რწმუნებულის ადმინისტრაციას შორის ურთიერთგაგების მემორანდუმი გაფორმდა.
4
s
s
s