გარემოვაჭრეებმა თავიანთი საქონელი წერეთლის ქუჩაზე ისევ მიიტანეს და გამოფინეს. მათი მტკიცებით პროტესტმა და მოლაპარაკებებმა შედეგი ვერ გამოიღო.
მათი თქმით, ძველი ავტოსადგურის შენობაში მომხმარებელი არ ჰყავთ და პროდუქციას ვერ ყიდიან.
ისინი რეგიონის მთავრობისა და მერიისგან ალტერნატიული სივრცის გამოყოფას სთხოვენ.
გარემოვაჭრეები ამბობენ, რომ სხვა სავაჭრო სივრცეების მოსაძებნად, ხელისუფლებისთვის მიცემული ვადა ამოიწურა.
წერეთლის ქუჩაზე სამართალდამცველებიც იმყოფებიან. რამდენიმე წუთის წინ, კი ადგილზე ბათუმის მერიის წარმომადგენლები მივიდნენ.
ბათუმის მერიამ ქალაქის სხვადასხვა ქუჩიდან გარემოვაჭრეები, დაახლოებით 4 თვის წინ, ავტოსადგურის მიმდებარე ტერიტორიაზე გადაიყვანა.
კეთილმოწყობის სამსახურის თანამშრომლებმა 27 იანვარს, "ბათუმი პლაზას" მიმდებარე ტერიტორიზე, 23 სკოლისა და მე-12 საბავშვო ბაღის წინ, დამონტაჟებული კონსტრუქციები მოხსნეს.
6
s
s
s