ზაფხულის ფესტივალამდე ერთი დღე რჩება. ბათუმში ფესტივალის მოსამზადებელი სამუშაოები უკვე აქტიურ  ფაზაშია. ყველაზე ფერადი და საინტერესო ფესტივალი წელსაც ანბანის კოშკის მოპირდაპირედ,  ზღვის სანაპიროზე ტარდება. საზაფხულო დეკორაციებით გაფორმებულ სანაპიროზე ფესტივალის სტუმრებს ნამდვილი საზაფხულო დღესასწაული და გართობა ელოდებათ. ტარდება სიმბოლური ჩემპიონატი პლაჟის ფრენბურთში სასტუმროებს შორის. გამარჯვებულებს გადაეცემათ მედლები, საჩუქრები და პირველი ადგილის მფლობელს Summer fest –ის თასი.

• 14:00-17:00 Stig  (DJ)
• 14:00-17:00 ფრანების შოუ
• 14:00-20:00 პლაჟის ფრენბურთი, სპორტული და საბავშვო გასართობი აქტივობები
• 17:00 – 19:00 Lasha Guruli (DJ)
• 20:00 – 21:00 ბენდი „ლურჯი იალქანი“
• 20:20 – 20:25 დღის ფერადი ფოიერვერკი
• 21:00 – 22:00 ბენდი The Loudspeakers
• 22:00 – 00:00 Lizz, Sunrise / Romania (DJ)
• 22:00 – 22:30 ფარნების შოუ
• 22:40 – 23:00  ღამის ფოეირვერკი
• 00:00 – 03:00  Mzhavia (Kodala) DJ

ფესტივალის მუსიკალურ პროგრამაზე ქართველი და უცხოელი შემსრულებლები, ბენდები  და დიჯეები იზრუნებენ. პლაჟზევე იფუქნციონირებს ღია კაფე-ბარები, სადაც სასმელების, ნაყინის, ხილის და კერძების შეკვეთა სპეციალურ ფასად იქნება შესაძლებელი. დღის განმავლობაში სტუმრებისთვის მრავალფეროვანი სპორტულ-გასართობი აქტივობებია დაგეგმილი, რომელიც ყველა ასაკისა და კატეგორიის სტუმარზეა გათვლილი. ფესტივალი 14:00 საათზე დაიწყება და 03:00 საათზე გრანდიოზული ფოიერვერკით დასრულდება. „ზაფხულის ფესტივალი“ რეგიონში აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით იმართება.

Tags:

გაზიარება

3