ქალაქი პარკირების პრობლემით. არასაკმარისი ადგილები, საინფორმაციო დაფების არარსებობა, მომატებული სატრანსპორტო ნაკადი და საცობები. ეს ზაფხულის სეზონზე ბათუმში მოძრავი მძღოლების პრობლემების ჩამონათვალია. რატომ ვერ შეცვალა ქალაქის მერიამ წლების განმავლობაში არსებული რეალობა?
ეს ბათუმში, ანბანის კოშკის მიმდებარე ტერიტორიაზე ახალი ფასიანი ავტოსადგომია. პარკინგზე ერთი საათით ავტომობილის გაჩერებისთვის მძღოლებმა 2 ლარი უნდა გადაიხადონ. თუმცა პარკირების წესებთან და საფასურთან დაკავშირებით, ტერიტორიაზე საინფორმაციო დაფა არ არის.
ეს კი თბილისის მოედანზე არსებული კიდევ ერთი ფასიანი ავტოსადგომია. აქ ფასებთან და პარკირების წესებთან დაკავშირებული შესაბამისი დაფა არის, ის მოძრავი ავტომობილებისთვის ნაკლებად შესამჩნევია, რადგან მასზე დატანილი ასოები პატარა შიფთიტაა დაწერილი. შლაგბაუმის მოვალეობას კი თოკი ასრულებს.
ბარათაშვილის ქუჩაზე გამოყოფილი პარკირების ადგილი კი, კერძო ტაქსის კომპანიების ავტომობილების მძღოლებს აქვთ დაკავებული.
ქალაქში მოუწესრიგებელ და არასაკმარისს პარკინგზე საუბრობენ მძღოლები და მესამე სექტორის წარმომადგენლები. ამბობენ, რომ ხშირად ამ კუთხით ჯარიმებიც უსაფუძვლოდ იწერება.
შპს ბათუმის ავტოტრანსპორტის დაქვემდებარებაში პარკირების სამსახური გასული წლის დასაწყისში გადავიდა. უწყებაში ფასიან ავტოსადგომებთან დაკავშირებით კი პროექტი ჯერ ისევ არ არსებობს. ირწმუნებიან, რომ ამ დრომედ საკითხზე მუშაობენ. ირკვევა ისიც, რომ ანბანის კოშკთან პარკინგისთვის ავტოტრანსპორტს ოფიციალური ხელშეკრულება არ აქვს დადებული.
ოფიციალური ინფორმაციით ქალაქში დღეისათვის 140 ავტოსადგომია.
5
s
s
s