18, ივნისი 2019 18:52:00
"TV 25 "-ის ინფორმაციით, ბათუმის ვიცე მერი სავარაუდოდ, კახაბერ გუჩმანიძე იქნება. წყაროს ცნობით, გუჩმანიძე ბათუმის მერთან კონსულტაციებს უკვე გადის.ადრესატი ამ ინფორმაციას კატეგორიულად უარყოფს. კახაბერ გუჩმანიძემ სატელეფონო საუბრისას, გვითხრა, რომ ამ საკითხზე არავისთან უსაუბრია.
ჰქონდა თუ არა ამ თემაზე კონსულტაცია ბათუმის მერთან?
გუჩმანიძე ამ კითხვას არ პასუხობს. აღნიშნა, რომ ამ თემაზე საუბარი არ სურს.
"მე ვარ გარემოსდამცველი და ეგ სავსებით საკმარისია ჩემთვის, ვარ ეკოლოგი და ვემსახურები საქმეს, რომელიც მიყვარს" - განაცხადა კახაბერ გუჩმანიძემ.
ბათუმის მერი ამ წუთებში შეხვედრაზე იმყოფება და მის პოზიციას მოგვიანებით შემოგვაზებთ.
ცნობისთვის, კახაბერ გუჩმანიძე პროფესიით ეკოლოგია, იგი ამ ეტაპზე ერთ-ერთი არასამთავრობო ორგაზიაციის წარმომადგენელია აჭარაში, პარალელურად ბათუმის მერის მრჩეველთა საბჭოს ხელმძღვანელობს.
შეგახსენებთ, ბათუმის ვიცე მერის პოსტი მას შემდეგ გახდა ვაკანტური, რაც თენგიზ პეტრიძე 6 მაღალჩინოსანთან ერთად დააკავეს.