19, ივნისი 2019 14:36:00
2019 წელს მთლიანი შიდა პროდუქტის მოცულობამ მიმდინარე ფასებში 9 745.2 მლნ ლარი შეადგინა. წინა წლის შესაბამის პერიოდთან შედარებით მთლიანი შიდა პროდუქტის რეალური ზრდა 4.9 პროცენტით განისაზღვრა, ხოლო დეფლატორი გაზრდილია 2.4 პროცენტით.
სტატისტიკის სამსახურის ცნობით, კლება მშენებლობის სექტორის გარდა დაფიქსირდა სოფლის მეურნეობას და სატყეო მეურნეობაში - 0,3%; სამთომოპოვებითი მრეწველობა - 3,8%; დამამუშავებელი მრეწველობა - 2%; საკუთარი საცხოვრისის გამოყენების პირობითი რენტა - 4,6%;
2015 წლიდან 2017 წლის ჩათვლით სამშენებლო სექტორი ზრდის ტენდენციით ხასიათდებოდა. კერძოდ, 2015 წელს მშენებლობის სექტორში - 15,2%-იანი; 2016 წელს - 8,1%-იანი; 2017 წელს კი 11,2%-იანი ზრდა დაფიქსირდა. თუმცა 2018 წელს სექტორი უკვე 3,1%-ით შემცირდა და ტენდენცია დღესაც გრძელდება.
მენაშენეების შეფასებით ეს შესაძლოა, უკავშირდებოდეს არა მხოლოდ საბანკო რეგულაციებს, რომელიც 2019 წლის პირველი იანვრიდან ამოქმედდა და რომელმაც უძრავი ქონების ბაზარზე მოთხოვნა შეამცირა, არამედ მთავრობის 41-ე დადგენილებაც.