19, ივნისი 2019 15:07:00
2019 წლის 20 ივნისს 11 საათზე, სოფელ გეგელიძეებში, ფრიდონ ხალვაშის სახელობის სახლმუზეუმში გაიმართება საგანმანათლებლო-ლიტერატურული პროექტი „ცოცხალი წიგნები - 2019“.
წელს, ქედელ ლიტერატურის მოყვარულებს შესაძლებლობა ექნებათ შემდეგ ავტორებს გაეცნონ:
თამრი ფხაკაძე - პროზაიკოსი, საბავშვო ავტორი
ლელა ცუცქირიძე - პოეტი, პროზაიკოსი, საბავშვო ავტორი,ილუსტრატორი
მაკა ლდოკონენი - პროზაიკოსი, მხატვარი.
ირმა მალაციძე - პროზაიკოსი, მთარგმნლი, საბავშვო ავტორი
ლუკა ბაქანიძე - პროზაიკოსი
ზურა პაპიაშვილი - დრამატურგი, პოეტი
დავით ალთუნაშვილი - საბავსვო ავტორი
ღონისძიების თანაორგანიზატორები არიან: ქედის მუნიციპალიტეტის მერიის განათლების, კულტურის, სპორტის, ტურიუზმის, ახალგაზრდულ საკითხთა და ძეგლთა დაცვის სამსახური, ქედის ფრიდონ ხალვაშის სახელობის სახლმუზეუმი.
საქართველოს განათლების, მეცნერების, კულტურისა და სპორტის სამინისტროს სრული მხარდაჭერით, 2015 წლიდან ყოველწლიურად ხორციელდება აღნიშნული პროექტი საქართველოში და მის საზღვრებს გარეთ პოპულარიზაციას უწევს ქართულ ლიტერატურასა და ხელოვნებას, თანამედროვე მწერლებს, გამოცემებსა და ლიტერატურულ პერიოდიკას.
პროექტის საშუალებით ცოცხალ ლიტერატურულ პროცესში აქტიურად ჩართული მწერლების, ლიტერატორების, მთარგმნელების წარდგენა და შეხვედრები ეწყობა სხვადასხვა რეგიონის, ქალაქების, დაბების, სოფლების კულტურის ცენტრებში, საგანმანათლებლო დაწესებულებებში, სახლ-მუზეუმებსა და ბიბლიოთეკებში. საქართველოს სხვადასხვა რეგიონში ხელი ეწყობა სახელმწიფოში მიმდინარე ზოგად კულტურულ პროცესებში რეგიონებში მცხოვრებ მოსახლეობის ჩართულობას. ყოველივე ეს მნიშვნელოვან გავლენას ახდენს თანამედროვე ლიტერატურის, წიგნის ლიტერატურული პერიოდიკის პოპულარიზაციასა და საგანმანათლებლო პროცესების გაძლიერებაზე.