20, ივნისი 2019 15:29:00
სემეკის გადაწყვეტილებით, საოჯახო ტიპის სასტუმროები წყლის ჰიბრიდულ ტარიფს 2020 წლის პირველი იანვრიდან გადაიხდიან.
კომისიის მიერ დამტკიცებულია ორი ტიპის მოდელი და მომხმარებელი უფლებამოსილია მოითხოვოს მათგან ერთ-ერთი.
„პირველი მოდელის შესაბამისად, საოჯახო სასტუმროს მფლობელის მთელ ობიექტზე სასმელი წყლის მოხმარება აღირიცხება ერთობლივად, რა შემთხვევაშიც არასაყოფაცხოვრებო ტარიფი დაერიცხება მოხმარებული სასმელი წყლის მხოლოდ იმ ოდენობას, რაც აღემატება თვის განმავლობაში 25მ3-ს.
მეორე მოდელის მიხედვით, სასმელი წყლის მოხმარება ობიექტის იმ ნაწილზე, სადაც ხორციელდება ტურისტების მომსახურება, აღირიცხება განცალკევებულად. ანუ, მხოლოდ იმ ნაწილზე, სადაც ხორციელდება ტურისტების სისტემატური და ორგანიზებული მომსახურება, სასმელი წყლის საფასური დაირიცხება არასაყოფაცხოვრებო ტარიფით. ამ მოდელის გამოყენების შემთხვევაში საოჯახო სასტუმროს მფლობელი ისარგებლებს ორი მრიცხველით,"-განაცხადა გიორგი ფანგანმა.
საოჯახო სასტუმროებისთვის წყლის გადასახადის დარიცხვის ახალი სისტემის პროექტი სემეკმა კერძო სექტორს მიმდინარე წლის დასაწყისში შესთავაზა. ამ პროცესს წინ უსწრებდა მოქალაქეების საჩივარი წყლის კომპანიის მიმართ. საჩივრის მიზეზი იყო წყლის გადასახადის საყოფაცხოვრებოს ნაცვლად კომერციული ტარიფით დარიცხვა და დაკისრებული ჯარიმები.
დღეისათვის მრიცხველის შემთხვევაში საყოფაცხოვრებო მომხმარებლისთვის წყალმომარაგების მომსახურების ტარიფი ერთ კუბურ მეტრზე 32 თეთრს, ხოლო ასასაყოფაცხოვრებო - 4 ლარსა და 40 თეთრს შეადგენს.