რუსეთის სახელმწიფო დუმის თავმჯდომარემ საქართველოს ხელისუფლების ქმედება გააკრიტიკა და აღნიშნა, რომ ხელისუფლებამ რუს დეპუტატებსა და მართლმადიდებლურ საპარლამენტთაშორისო ასამბლეის სესიაზე თავდასხმა დაუშვა.
„20 ივნისს მართლმადიდებლური საპარლამენტთაშორისო ასამბლეის სესიის ჩატარებისას საქართველოს ხელისუფლების ქმედება საერთაშორისო ღონისძიებების ნორმებს ეწინააღმდეგება“, - განუცხადა ვიაჩელავ ვოლოდინმა ჟურნალისტებს.
მან ყურადღება გაამახვილა იმაზე, რომ ასამბლეის ჩატარების ადგილი და მისი ორგანიზების დეტალები ქართული მხარის მიერ წინასწარ იყო შეთანხმებული.
„საქართველო, როგორც ორგანიზატორი ქვეყანა პასუხისმგებელია, როგორც მნიშვნელოვანი საერთაშორისო ფორუმის ჩატარებაზე, ასევე მისი მონაწილეების უსაფრთხოებაზე. ეს პირობები უბრალოდ იგნორებული იყო - მათ ვერ შეძლეს, ვერც ღონისძიების ჩატარებისა და ვერც რუსული დელეგაციის თავდასხმისა და მუქარისგან დაცვის უზრუნველყოფა“, - განაცხადა მან.
რუსეთის პარლამენტის თავმჯდომარის თქმით, რუსულ დელეგაციაზე განხორციელებული თავდასხმის შემდეგ საქართველოს ხელისუფლების მიერ გაკეთებული განცხადებები მათ ადეკვატურობაში ეჭვის შეტანის საფუძველია. „ეს აჩვენს კითხვებს იმასთან დაკავშირებით რამდენად შეუძლია საქართველოს იყოს პასუხისმგებლიანი საერთაშორისო პარტნიორი“, - განაცხადა რუსეთის პარლამენტის სპიკერმა.
1
s
s
s