მინსკიდან დაბრუნებულმა საქართველოს პრეზიდენტმა რუსთაველის გამზირზე დაშავებული აქციის მონაწილეები და პოლიციელები სამედიცინო დაწესებულებებში მოინახულა.
პრეზიდენტის ადმიისტრაციის ცნობით, ზურაბიშვილმა დაშავებულები გაამხნევა და გამოჯანმრთელება უსურვა.
აქციაზე დაშავებულ პოლიციელებსა და აქციის მონაწილეებს ოფთალმოლოგიური და ნეიროქირირურგიული ოპერაციები წარმატებით ჩაუტარდათ.
პრეზიდენტმა მოქალაქეებზე ზრუნვისათვის განსაკუთრებული მადლობა გადაუხადა სასწრაფო დახმარების თანამშრომლებსა და ჯანდაცვის სფეროს ყველა წარმომადგენელს.
20 ივნისს ღამით, პარლამენტის შენობის წინ სპეცრაზმმა რამდენჯერმე გამოიყენა ცრემლმდენი გაზი, ბოლოს კი აქციის მონაწილეები წყლის ჭავლით დაშალა, ასევე გამოიყენა რეზინის ტყვიები.
სამედიცინო დაწესებულებებში გადაყვანილი 240 პაციენტიდან საავადმყოფოებში რჩება 55.
12
s
s
s