21, ივნისი 2019 23:23:00
რუსთაველზე, პარლამენტთან მიმდინარე საპროტესტო აქციის მონაწილეები გიგი უგულავას დაუპირისპირდნენ, რომელიც პირდაპირ ეთერში უნდა ჩართულიყო. დემონსტრანტებმა მას სიტყვიერი შეურაცხყოფა მიაყენეს, ბოთლები ესროლეს და „წადის“ სკანდირებდნენ. მანამდე აქციის მონაწილეებმა სიტყვით გამოსვლის უფლება გრიგოლ ვაშაძეს არ მისცეს.
პარლამენტთან საპროტესტო აქცია დღეს საღამოს განახლდა. პროტესტის მონაწილეები შს მინისტრის პასუხისმგებლობის საკითხის დაყენებას მოითხოვენ.
გიორგი გახარიას თქმით, პოლიციამ ბოლომდე გამოიყენა თმენის ვალდებულება, ვიდრე ადამიანების სიცოცხლეს არ დაემუქრა საფრთხე.