24, ივნისი 2019 14:32:00
20-21 ივნისს რუსთაველის გამზირზე აქციის ცალკეული მონაწილეების მიმართ სამართალდამცავთა მხრიდან უფლებამოსილების შესაძლო გადამეტების ფაქტზე, საქართველოს გენერალურმა პროკურატურამ გამოძიება დაიწყო. საქართველოს გენერალური პროკურატურა საზოგადოებას მოუწოდებს, ფოტო და ვიდეო მტკიცებულებები სამართალდამცავ ორგანოებს მიაწოდოს. დღეს გამართულ საგანგებო ბრიფინგზე აღინიშნა, რომ აქციის გარშემო მიმდინარე სამართლებრივი საქმეების განხილვაში უწყება სახალხო დამცველთან და არასამთავრობო სექტორთან ითანამშრომლებს.