26, ივნისი 2019 18:17:00
2030 წლისთვის მსოფლიოში რობოტები საწარმოო სექტორში 20 მილიონამდე სამუშაო ადგილს დაიკავებენ. BBC-ის ინფორმაციით, ამის შესახებ ანალიტიკური კომპანია Oxford Economics-ის მიერ ჩატარებული კვლევის შედეგები მეტყველებს.
მათივე ინფორმაციით, ადამიანები, რომლებიც სამსახურს დაკარგავენ, აღმოაჩენენ, რომ ანალოგიურ პოზიციებზე მომსახურების სფეროშიც ავტომატიზებული მუშაობა მიმდინარეობს. თუმცა, კომპანიაში აცხადებენ, რომ ავტომატიზაციის ზრდა სამუშაო ადგილების შექმნის და ეკონომიკური ზრდის წინაპირობაც გახდება.
Oxford Economics-ის მტკიცებით, თითოეული რობოტი 1,6 საწარმოო პოზიციას დაიკავებს. ეს პროცესი ყველაზე საგრძნობლად იმ რეგიონებზე აისახება, სადაც დასაქმებულების უნარები უფრო დაბალია, რის გამოც ეკონომიკა უფრო სუსტი, უმუშევრობა კი უფრო მაღალია.