28, ივნისი 2019 11:57:00
2019 წლის მაისში წინა წლის რეალური მთლიანი შიდა პროდუქტის ზრდამ 4.7 პროცენტი შეადგინა, ხოლო 2019 წლის პირველი ხუთი თვის საშუალო რეალური ზრდა 4.9 პროცენტით განისაზღვრა.
„საქსტატის“ ცნობით, მაისში, წინა წლის შესაბამის პერიოდთან შედარებით ზრდა შეინიშნებოდა უძრავი ქონებით ოპერაციებისა და მომხმარებლისათვის სხვა მომსახურების გაწევის დარგში, ვაჭრობაში, სასტუმროებსა და რესტორნებში. ხოლო დამამუშავებელ მრეწველობასა და მშენებლობაში კლება დაფიქსირდა.