30, ივნისი 2019 22:57:00
სასტუმრო "სოლიდარითის" აივნიდან რუსეთის დროშა ჩამოხსნილია - ამის შესახებ ინფორმაცია "TV 25"-ს ქობულეთის მერიიდან მიაწოდეს.
პრესცენტრის ცნობით, ზედამხედველობის სამსახურის წარმომადგენლები ადგილზე იმყოფებოდნენ და დაწესებულების ხელმძღვანელობას ოკუპანტი ქვეყნის სიმბოლიკის ჩამოხსნა მოსთხოვეს.
შეგახსენებთ, რამდენიმე საათის წინ TV25.GE სასტუმროს აივანზე რუსეთის დროში ფრიალის შესახებ ინფორმაცია განთავსდა, რასაც სოციალურ ქსელებში მწვავე შეფასებები მოჰყვა. ქობულეთში, აღმაშენებლის ქუჩაზე არსებული სასტუმროს აივანზე სხვადასხვა ქვეყნის დროშასთან ერთად, ოკუპანტი სახელმწიფოს სიმბოლიკაც ფრიალებდა.
სასტუმრო სოლიდარითი ქობულეთში წლების წინ გაიხსნა და იგი აღმაშენებლის ქუჩის N 269 - ში მდებარეობს.
ფოტო სასტუმროში გადაღებულია დილით.