პარასკევი 23, აგვისტო 2019

ორი ევროპული ავიაკომპანია საქართველოში ფრენების დაწყებით დაინტერესდა

03, ივლისი 2019 18:43:00

საქართველოში ფრენები შესაძლოა, ორმა ახალმა ევროპულმა ავიაკომპანიამ დაიწყოს. ამის შესახებ ინფორმაციას „ტავ ჯორჯია“ ავრცელებს.

კერძოდ, მათი ცნობით, თბილისის საერთაშორისო აეროპორტში ფრენების დაწყებით ორი ევროპული ავიაკომპანია - Air Italy და Scandinavian Airlines (SAS) დაინტერესდნენ.

„საქართველოს საავიაციო ბაზარზე შექმნილი ვითარების ფონზე, „ტავ ჯორჯიასა“ და „ტავ ჰოლდინგის მარკეტინგის“ გუნდი აქტიურად აწარმოებს ერთობლივ მოლაპარაკებებს ახალ ავიაკომპანიებთან.

თბილისი, როგორც ახალი მიმართულება, უკვე შეთავაზებულ იქნა რამდენიმე ევროპული ავიაკომპანიისთვის. ამ ეტაპზე თბილისის საერთაშორისო აეროპორტში ფრენების დაწყებით ორი ევროპული ავიაკომპანია, Air Italy და Scandinavian Airlines (SAS) დაინტერესდნენ,“-აღნიშნულია „ტავ ჯორჯიას“ განცხადებაში.

ცნობისთვის, “ტავ ჯორჯია” TAV Airports Holding-ის შვილობილი კომპანიაა. მისი მოღვაწეობა საქართველოში 2005 წელს დაიწყო და მოქმედი კონტრაქტით 2027 წლამდე გაგრძელდება.

ავტორი(ები)

169

დღის ამბები