04, ივლისი 2019 15:56:00
მინსკის აეროპორტში ყალბი პასპორტით საქართველოს მოქალაქე დააკავეს. ამის შესახებ ინფორმაციას ბელარუსის სახელმწიფო სასაზღვრო კომიტეტი ავრცელებს.
მოქალაქე 2 ივლისს დააკავეს. ის 33 წლის მამაკაცია, რომელიც სტამბოლი-მინსკის ავიარეისით მგზავრობდა. მამაკაცი მინსკში 43 წლის ასაკის, სომხეთის მოქალაქის პასპორტით ჩავიდა. როგორც აღმოჩნდა, მამაკაცს ბელარუსში შესვლა აკრძალული ჰქონდა.
სასაზღვრო კონტროლის გავლის დროს მესაზღვრეებმა ერთ-ერთი მგზავრი პასპორტში გაყალბების ნიშნები აღმოაჩინეს. სპეციალური შემოწმების დროს დადასტურდა, რომ პასპორტი ყალბია.
ბელარუსის სახელმწიფო სასაზღვრო კომიტეტის განცხადებით, დაკავების წინააღმდეგ დაწყებულია ადმინისტრაციული პროცესი საზღვრის უკანონო გადაკვეთისთვის. ბელარუსში მას ორ წლამდე თავისუფლების აღკვეთა ემუქრება.