06, ივლისი 2019 22:17:00
ბათუმი – ახალციხის საავტომობილო გზის ხულო-ზარზმის მონაკვეთის სარეაბილიტაციო-სარეკონსტრუქციო სამუშაოების გამო საავტომობილო გზების დეპარტამენტს რამდენიმე მოქალაქის უძრავი ქონების ექსპროპრიაციის უფლება მიენიჭა.
საპროექტო საგზაო მონაკვეთი იწყება შიდასახელმწიფოებრივი მნიშვნელობის ბათუმი – ახალციხის საავტომობილო გზის მე-80 კილომეტრთან, დაბა ხულოს მახლობლად, გაივლის რამდენიმე სოფელზე და მთავრდება საავტომობილო გზის 110-ე კილომეტრზე, გოდერძის უღელტეხილისკენ მიმავალ აღმართზე.
მომზადდა განსახლების სამოქმედო გეგმა, რომელშიც გათვალისწინებულია პროექტის ზემოქმედების არეალში მოქცეული უძრავი ქონების მესაკუთრეებისთვის ქონების ღირებულებისა და საკომპენსაციო თანხების ანაზღაურების საკითხი. თუმცა, მოლაპარაკების წარმოების მიუხედავად, უძრავი ქონების ნებაყოფლობით გამოსყიდვის შესახებ რამდენიმე მოქალაქესთან შეთანხმება ვერ მოხერხდა.
პროექტის ფარგლებში ექცევა და ექსპროპრიაციას დაექვემდებარება: ხულოს მუნიციპალიტეტის სოფელ ბოძაურში, სასოფლო-სამეურნეო დანიშნულების სასოფლო-სამეურნეო დანიშნულების (საერთო ფართი 1000 კვ.მ) მიწის ნაკვეთის ნაწილი - 255 კვ.მ. და მასზე არსებული უძრავი ქონება, რომლის თანამესაკუთრეებიც არიან: ნუგზარ შანთაძე, ჟუჟუნა შანთაძე და რევაზ შანთაძე.