09, ივლისი 2019 17:04:00
ბათუმის შემდეგ ზაფხულის ფესტივალი უკვე ქობულეთში ჩატარდება. ღონისძიება 13 ივლისს, ცენტრალურ პარკში გაიმართება და მასზე დასწრება ნებისმიერ მსურველს შეეძლება. ფესტივალის სტუმრების განწყობაზე ადგილობრივი და მოწვეული დიჯეები და მუსიკალური ბენდები იზრუნებენ. გაიმართება ფრანების შოუ, ცეცხლოვანი შოუ, საბავშვო გასართობი ღონისძიებები. ფესტივალი ფოიერვერკით დასრულდება. ღონისძიება აჭარის ტურიზმის დეპარტამენტის ორგანიზებით გაიმართება.